KAMIONI MK KAMIONI MK
По преземањето на троосовинскиот S 520, холандската компанија Te Kloeze-Bruyl, исто така ја презеде петероосовинската изведба во конфигурацијата 10×4*6.
Холанѓаните истакнуваат дека за првпат се сретнале со некои од производите на Scania во багер Hyundai кој бил опремен со моторот Scania и кој се покажал како многу добар, па затоа и се одлучиле за камион Scania. Тие истакнуваат дека камионите се покажаа не само за сигурни, туку и за многу економични што им е многу важно, бидејќи тие не само што ја следат потрошувачката на камионите туку и на патните возила во компанијата.
Scania S 730 во конфигурацијата 10 × 4 * 6 има пет оски. Од нив, првите две за управување, зад нив се две погонски со двојни тркала и на крајот, еден помошен, кој исто така може да се управува со самостојни гуми. Приколката е адаптирана за влечење на тешок товар,па затоа зад кабината се поставени резервоарите за гориво, резервоарите AdBlue и системот за хидраулични приколки. Ова прилагодување е направено во фабриката.
Тој е способен да се справи со нагорнина од 6% со товар од 180 тони или 12% со 140 тони, а Холанѓаните истакнуваат дека тоа е многу важно, бидејќи тие често носат тешки товари во Германија каде што има многу искачувања, а од друга страна, големата моќ овозможува да се достигне брзина на автопатот која нема значително да го забави сообраќајот.
Бидејќи овие транспорти знаат да траат и по неколку дена, кабината е исто така многу добро опремена, па на возачот му се достапни микробранова, кафе машина, фрижидер и телевизор. Со цел да му помогне на возачот да го контролира товарот, камионот исто така е опремен со систем за камера каде што сликата се прикажува на екранот чиј дисплеј е поделен на четири дела, така што возачот секогаш го гледа просторот околу возилото, што е особено корисно при транспортот на тешки товари.